Se hai un pico ou unha montaña mítica, simbólica e histórica ao mesmo tempo, en Galicia, este é o Pico Sacro. Preséntase orgulloso ao leste de Compostela, no concello de Boqueixón, a 533 metros de altitude. Este libro reúne o traballo de noventa autores ao redor deste pico único. Unha edición ao coidado de Miro Villar e Xosé Manuel Lobato, responsables dunha obra pioneira: recompilaron textos clásicos e históricos -algúns moi descoñecidos, outros moi pouco divulgados ata hoxe- e puxéronos en diálogo con novas composicións, inéditas por autores actuais. ... Desde o Rexurdimento ata a actualidade, o Pico Sacro foi unha constante invocación literaria, e esta obra é a proba evidente. Poemas, contos, ensaios, crónicas xornalísticas, incluso contos infantís ... "Historia e ficción mestúranse aquí nun binomio inseparable", sinalan os artífices desta convocatoria. Así que subamos ao Pico Sacro. E chegemos, dende Galicia, a todo o universo. Un universo escrito que se desenvolve en cada unha destas páxinas.
Referencias específicas
Non hai ninguna reseña polo momento