Esta tenda emprega únicamente cookies necesarias para o correcto funcionamento do sitio web. Nin conservamos, nin cedemos, nin vendemos datos de navegación a terceiros.

aceptar

Preguntas Frecuentes

Para os Compradores

Quen promove www.haivedra.gal?

É unha proposta do Concello de Vedra para axudar ao comercio local.

A quen lle estou mercando?

Cada un dos comercios que se dan de alta na plataforma mantén a súa autonomía para subir os produtos que considere ao prezo que estime oportuno, polo tanto cada comercio é o encargado tamén de emitir as facturas e dar garantía ao cliente.

Vou pagar máis por mercar en www.haivedra.gal que se lle merco a cada comercio?

Cada comercio pon os prezos e o Concello de Vedra ofrece a plataforma de forma gratuíta para todos polo que non hai motivo para pensar que podes pagar máis. De todas formas, www.haivedra.gal non fai seguemento dos prezos dos produtos polo que calquera comercio mantén o seu criterio.

Quen factura?

A factura para o cliente faina cada comercio. A plataforma simplemente actúa como un intermediario de cobro, centraliza os cobros e abona as compras a cada comercio.

Podo mercar en máis dunha tenda?

Si, haivedra.gal está preparada para que poidas mercar en máis dunha tenda no mesmo pedido, pero ten en conta que cada pedido a cada tenda procésase de forma independente.

Se tes un comercio en Vedra e queres darte de alta en haivedra

ponte en contacto con nós.

Para os vendedores

Teño que pagar para vender os meus produtos ou servizos?

Non, o Concello de Vedra financia a plataforma e a súa administración.

Ademais dos meus produtos/servizos, haberá outros doutros comercios en www.haivedra.gal?

Si, calquera comercio pode subir os seus produtos e servizos,  ainda que haxa varios do mesmo sector.

www.haivedra.gal pode ser tamén unha ferramenta para facer sinerxias e colaboracións  entre profesionais.

Teño que saber informática para poder vender en www.haivedra.gal?

Non, a plataforma conta con administradores profesionais que te van axudar se tes algunha dúbida, ademais subir produtos e servizos é sinxelo, simplemente tes que cubrir un formulario.

Quen envía os produtos que vendo?

Cada produto pode ter varias opcións de envío: entrega na propia tenda, envío por axencia ou reparto por medios propios.. e ti poderás escoller para cada produto que opcións estarán dispoñibles.
É importante que envíes os produtos en plazo para que non se demoren as entregas. A plataforma soamente confirmará os pedidos que son firmes polo que podes envialos canto antes.

Como sei que vendín un produto?

Recibirás unha notificación por correo electrónico con cada venda que realices. Nesa notificación terás os datos do cliente, do pedido e do tipo de envío.
É importante que consultes o correo con certa frecuencia, polo menos unha vez ao día.

Teño que acceder con moita frecuencia á plataforma?

Non, fundamentalmente terás que acceder para subir produtos, borralos ou actualizar calquera información.
Canto máis actualices, mellor!

Vaime axudar algún técnico?

Si, terás profesionais que te poden axudar tanto para ter unha formación inicial como para darche soporte posteriormente.

Podes poñerte en contacto co servizo técnico no mail: soporte@haivedra.gal

Como me dou de alta na plataforma?

Para darte de alta tes que ser titular dun comercio en Vedra e solicitar no email a túa inserción na plataforma. Os administradores poranse en contacto contigo para recabar todos os datos necesarios e explicarche ben todo o proceso.

Teño que ofrecer garantías e servicio postventa?

Si, igual que se venderas dende a túa propia páxina web.

Quen factura?

A factura para o cliente faina cada comercio. A plataforma simplemente actúa como un intermediario de cobro, centraliza os cobros e abona as compras a cada comercio.

Cando recibo os cartos dun pedido?

Cando un cliente fai un pedido, os administradores da tenda reciben os importes de todas as mercas e o antes posible, nun prazo de días, ingresarán os cartos na conta do comercio.

Como me poño en contacto cos informáticos se teño algunha dúbida ou suxestión?

É moi sinxelo, so tes que enviar un correo a soporte@haivedra.gal e eles poñeranse en contacto contigo o antes posible.

Encima
Menú
Pechar
Carriño
Pechar
Voltar
Conta
Pechar